Jedan navijač Boston Seltiksa mogao bi se suočiti s doživotnom zabranom posjeta TD Gardenu nakon što je bacio bocu vode na zvijezdu Bruklin Netsa, Kajrija Irvinga (Kyrie Irving), poslije okršaja Bostona i Bruklina u okviru NBA doigravanja.

Sve se dogodilo nakon pobjede Netsa u četvrtoj utakmici doigravanja Istoka (141:126) nad Seltiksima kojom su poveli s 3:1 u seriji na četiri pobjede. 

Boca nije udarila Irvinga, ali mu je svakako privukla pažnju, a stigao je i da porazgovara s navijačem.

Irving, koji je od 2017. do 2019. igrao za Boston, izazivao je zvižduke tokom cijele utakmice, koju je pratilo preko 17.000 navijača.