Sjajnu utakmicu odigrao je Lester siti protiv Mančester junajteda kojeg je uspio savladati sa ubjedljivih 4:2 u 8. kolu Premijeršipa.
Junajted je čak i poveo danas sjajnim golom Mejsona Grinvuda (Mason Greenwood), a potom je poravnao Juri Tilemans (Youri Tielemans).
Potom je uslijedila dramatična završnica koju je najavio Kaglar Sojunču (Caglar Söyüncü) golom za 2:1 u 78. minuti. U 82. Markus Rašford (Marcus Rashford) je izjednačio na 2:2.
Već u sljedećem napadu Džejmi Vardi (Jamie Vardy) pogađa za 3:2, a na konačnih 4:2 u 91. minuti postavlja Patson Daka.
U ostalim mečevima, Mančester siti je protiv Barnlija slavio s 2:0, Norvič i Brajton su odigrali 0:0, Aston Vila poražena je kod kuće od Volverhemptona s 2:3, a Sautempton je bio bolji od Lidsa s 1:0.
