Italijanski velikan Milan, poslije velike borbe savladao je Fiorentinu na "San Siru" i uspio da sačuva prvo mjesto u Seriji A gdje sad ima dva boda više od Intera koji je savladao u gostima Udineze s 1:2.
Trener Stefano Pioli ističe da je teškom mukom ostvarena velika pobjeda.
– Tim je igrao dobro, borio se žestoko protiv ekipe koja nam je stvarala probleme. Fiorentina je bila opasna, ali smo uspjeli da napravimo veliki korak naprijed, uz pomoć fantastičnih navijača. Poslije gola osjetili smo da nam je veliki teret pao sa leđa. Imali smo dosta šansi, ali uz pomoć pravog mentaliteta nastavili smo da radimo kao tim. Biće tenzije u mečevima kao što je ovaj, jer kako vrijeme prolazi tako su pred nama sve veći izazovi, rekao je Pioli.
