Predsjednik Barcelone Đoan Laporta (Joan) ima namjeru vratiti Lionela Mesija (Messi) u klub.

- Nadam se da priča Lionela Mesija s Barcelonom još nije završena. Mislim da je tako. Sve je otvoreno i naša je obaveza da mu osiguramo mnogo ljepši kraj nego što je to bio. Kao predsjednik Barselone, osjećam se dužan prema Mesiju - rekao je Laporta.

Mesi je napustio Barcelonu prošlog ljeta poslije 20 godina i kao slobodan igrač potpisao za PSG.

Argentinac je za Barcelonu odigrao 778 utakmica i postigao 672 gola.