Nogometaši Čelzija pobijedili su Notingem Forest sa 2:0 i ostvarili plasman u narednu rundu engleskog FA kupa.

"Plavce" je do trijumfa vodio Alvaro Morata, koji je pogađao u 49. i 59. minuti, a oba puta mu je asistirao Hudson-Odoi. 

Čelzi je u prvom poluvremenu promašio penal, a s bijele tačke nije bio precizan Sesk  Fabregas (Cesc), koji je danas nosio kapitensku traku i koji se s današnjom utakmicom oprostio od navijača Čelzija. 

Od ostalih premijerligaša u terminu od 16 sati Everton je imao manjih problem sa četvrtoligašem Linkolnom, ali pobijedio je 2:1. 

"Karamele" su za samo dva minuta postigli oba gola, u 12. minutu strijelac je bio Ademola Lukman (Lookman), a zatim Bernard. Linkoln je u 28. minutu stigao do svog gola, ispostavit će se jedinog na meču.

Derbi, koji trenira Čelzijeva legenda Frenk Lampard (Frank), odoleo je Sautemptonu i odigrao 2:2 na svom terenu. 

Sautempton je poveo sa 2:0 golovima Nejtana Redmonda (Nathan) i niko nije očekivao da tim iz Čempionšipa može da se vrati u meč, ali su oni dokazali suprotno. Mariot i Lorens su bili precizni i donijeli izjednačenje Derbiju, koji je izborio revanš meč na Sent Merisu. 

Kardif se bori za opstanak u Premijer ligi, a već su ispali iz FA kupa. Njih je šokirao trećeligaš Gilingem, koji ih je savladao 1:0.